Школьная субота 20 лютага
Напярэдадні свята будучыя абаронцы Айчыны прынялі ўдзел у спартыўным конкурсе "А ну-ка, хлопчыкі!". Спаборніцтвы праходзілі ў сяброўскім настроі, весела і запамінальна. Удзельнікамі спартыўнага мерапрыемства былі вучні 2-4 класаў, і, нягледзячы на нешматлікі склад каманд, дух спаборніцтва прысутнічаў. Пераможцай стала каманда "Асілкі", з чым мы і віншуем хлопчыкаў.
Вучні 5-8 класаў прынялі ўдзел у інтэрактыўнай гульні. Для таго, каб адказаць на пытанні, звязаныя са службай у арміі, хлопцам часам спатрэбілася не адна хвіліна, але з большасцю пытанняў яны справіліся на добрым узроўні. Мерапрыемства было не толькі цікавым, але і пазнавальным.
Вялікую цікавасць у гледачоў выклікаў фільм пра беларускую армію. Сучасная тэхніка, граматныя спецыялісты, розныя вайсковыя службы, сіла і прыгажосць армейцаў уразілі хлопцаў.
На пытанне: "Што вы вынеслі з сёняшняга школьнага дня?" быў дадзены адказ: "Служыць у арміі - пачэсна!"
